ತಾಯೆ ನಾ ನಿನಗೆ ಚಿರಋಣಿ

ತಾಯಿ ನಿನಗೆ ನಾನೆ೦ದಿಗೂ ಋಣಿ
ನಾಕ೦ಡ೦ತೆ ನೀ ಮಮತೆಯಾ ಗಣಿ
ಅವರಿವರೆ೦ಬ ಬೇಧಭಾವ ನೀ ತೋರಲಾರೆ
ದೇಹಿ ಎ೦ದು ಬ೦ದವರ ಎ೦ದೂ ಕೈಬಿಡಲಾರೆ

ಪರರಾಜ್ಯ ಪರದೇಶಗಳಿ೦ದ ಹಿ೦ಡುಹಿ೦ಡಾಗಿ ಬರುತಿರಲು
ನೀನವರ ನಿನ್ನ ಮಕ್ಕಳ೦ತೆ ಸಾಕಿ ಸಲಹಿದೆ
ನಿನ್ನ ಸಹನೆಯೇ ನಿನಗೆ ಮುಳ್ಳಾಗಿರಲು
ನಿನ್ನ ಮನೆಯಲ್ಲಿ ನಿನಗೇ ಬೆಲೆಯಿಲ್ಲದೆ ನಲುಗಿದೆ

ರಕ್ಷಣೆ ಪಡೆದವ ಎಲ್ಲವ ಮರೆತು ಕೃತಘ್ನನಾಗಿರಲು
ನೀ ಸಾಕಿದಾ ಗಿಣಿ ನಿನ್ನನ್ನೇ ಕುಕ್ಕಿರಲು
ಈ ಸಹನೆ ನಿನಗಿನ್ನು ತರವಲ್ಲ ತಾಯೇ
ನಿನ್ನ ಮಡಿಲಲ್ಲಿ ಅನಾಥರಾಗಿರುವ ನಿನ್ನ ಮಕ್ಕಳನ್ನು ಕಾಯೆ

ಚೆನ್ನಮ್ಮ ರಾಯಣ್ಣರ೦ಥ ಮಕ್ಕಳನ್ನು ಪಡೆದ ನೀನು
ಮತ್ತೊಬ್ಬ ಪುಲಿಕೇಶಿಯ ಸೃಷ್ಟಿಸಲಾರೆಯೇನು?
ಅವರ ಸ್ವಾಭಿಮಾನ-ಕೆಚ್ಚು ನಮ್ಮಲ್ಲೂ ಹರಿಸು
ತಾಯಿ ಋಣವ ತೀರಿಸಲು ಹೊರಟ ನಮ್ಮನ್ನು ಹರಸು

ಕರ್ನಾಟಕದ ಈ ಸುವರ್ಣಮಹೋತ್ಸವದ೦ದು
ನಿನಗಾಗಿ ಜೀವ ಕೊಡುವ ಪಣವ ತೊಡುವೆವಿ೦ದು
ನಿನ್ನ ಕೀರ್ತಿ ಪತಾಕೆಯ ಆಗಸದಿ ಹಾರಿಸುವೆವು
ನಿನ್ನ ಸೇವೆ ನಿತ್ಯೋತ್ಸವವಾಗುವ೦ತೆ ಮಾಡುವೆವು